ອາຊຽນ-ນູແອນເຊລັງ ໝັ້ນໝາຍເພີ່ມທະວີ
ການພົວພັນຄູ່ຮ່ວມມືຍຸດທະສາດ
ຕາມຂ່າວສານຊິນຮວາລາຍງານວັນທີ 26 ມີນາ ນີ້ວ່າ: ກອງປະຊຸມຄັ້ງທີ XI ຄະນະກຳມະ ການຮ່ວມມືຮ່ວມອາຊຽນ-ນູແວນເຊລັງທີ່ຈັດຂຶ້ນໃນວັນທີ 25 ມີນາ ທີ່ນະຄອນຫຼວງ ຈາກາຕາ ປະເທດອິນໂດເນເຊຍ, ສອງຝ່າຍໄດ້ຢືນຢັນຄືນຄຳໝັ້ນສັນຍາເພິ່ມທະວີການພົວພັນຄູ່ຮ່ວມມືຍຸດທະສາດໂດຍຜ່ານ ການຜັນຂະຫຍາຍແຜນການດຳເນີນງານອາຊຽນ-ນູແວນເຊລັງໄລຍະ 2021-2025. ສອງຝ່າຍຫວັງວ່າຈະສຳເລັດການເຈລະຈາຍົກລະດັບສັນຍາສ້າງຕັ້ງ ເຂດການຄ້າເສລີ ອາຊຽນ-ອົດສະຕຼາລີ-ນູແວນເຊລັງ ໂດຍໄວແລະຮຽກຮ້ອງໃຫ້ຜັນຂະຫຍາຍສັນຍາຄູ່ຮ່ວມມືເສດຖະກິດຮອບດ້ານພາກພື້ນຢ່າງມີປະສິດ ທິຜົນ. ກອງປະຊຸມຍັງເນັ້ນໜັກເຖິງຄວາມຈຳເປັນເພີ່ມທະວີການຮ່ວມມືໃນຂົງເຂດພະລັງງານທົດແທນ, ກະສິກຳອັດສະລິຍະແທດເໝາະກັບການປ່ຽນແປງ ດິນຟ້າອາກາດ, ພັດທະນາແບບຍືນຍົງ, ຄົມມະນາຄົມ, ພື້ນຖານໂຄງລ່າງສອງຝ່າຍຍັງສະແດງຄວາມຫວັງສືບຕໍ່ປຶກສາຫາລືບັນດາຂໍ້ລິເລີ່ມ ແລະ ການ ເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນຄູ່ເຈລະຈາອາຊຽນ-ນູແວນເຊລັງ ໃນປີ 2025.
ແຫຼ່ງທີ່ມາ: ໜັງສືພິມກອງທັບ
ວັນທີ 30/03/2023